侵侵上場唔夠3日已經對DEI群組做左好多野 睇親呢d新聞都會令我諗起有一次同個本地人開會食飯，佢生得好細粒，滿面鬍鬚，但修到堂眉好靚，行路姿姿悠悠咁，我覺得佢爭d野，但又講唔出係咩 一坐低無耐，佢就講上個月做左個大手術，咁我循例都問下佢係咪無哂事喇？佢話佢身體同心靈都未試過咁舒服，因為佢終於係個真正既男人 我差d俾食緊果舊龍脷柳哽撚死，唔怪得我覺得佢爭d野，原來係粒喉核！ 打後果半個鐘就係佢講佢變性既成個過程，原來要搞好耐，除左一路食荷爾蒙藥，真正既手術都要分開幾次做。佢仲話未做最後一個手術前係峇里島向前女友求婚成功，返黎杜拜先第一次見家長，人地父母當然唔同意啦，仲鬧佢呃左佢地個女隻豬以後點見人🤥 正所謂佢唔尷尬尷尬既就係我，曾經有一刻我覺得佢只係撚化我，點知某日後我搵到佢做女仔果陣果張CV，電話地址學歷工作經驗同個姓都係一撚樣，唔同既就只係個名由女變男，仲要係同一個initial 佢早排結婚請我去飲，我無去，但我衷心祝福佢地白頭到老 宜家諗返做獵頭果十幾年都真係幾撚癲