Day 4 喺英國踩單車送外賣 今日做咗個零鐘，好短，三單細單，有一單返大學附近所以做完直接收隊 中間有單Sainsbury's，見係local唔係大舖就照接 結果都幾多嘢攞，薯仔蘋果重都乜咁，好彩距離夠近 咁送嘢呢方面其實我都係一個幾奄尖嘅人，太遠唔送，太重唔送，唔抵嘅唔送 第一樣我會避開嘅係超級市場，上至Waitrose下至Iceland，因為基本上嗌得送貨一定多嘢 上面Sainsbury's Local就係以為佢唔會好似大舖買咁多所以先接，結果都係多嘢 有熱飲嘅麥當勞我都傾向唔送，上次第一日送就倒瀉咗，我諗係擺得唔穩陣同個罐嘅問題 其他就冇咩特別，我嘅原則係只要唔係大件到擺唔落或者好易倒瀉，只要唔太遠，就會送