Day 5 喺英國踩單車送外賣 今日好奢侈，送一單就完，完美演繹有糧出冇汗出 誇張咗，其實都係有汗嘅，不過好快收工 出門口已經係過咗晚飯時間，信錯咗個app話8-10點係繁忙時間，出到去好難先有單 喺麥當勞門口吹咗十分鐘風，踢咗一單好多重嘢嘅，接到一單竟然又入返大學嘅，你老… 咁冇計，都要死死地氣送，再等真係唔知幾時先有 結果送到入去就費事踩返出嚟，咁就完咗今日 即係好似啲的士佬咁樣，佢哋都唔想吉車返去交車，送外賣都一樣唔想吉車返自己屋企 但係唔係全日第一單就逼我回程掛 睇嚟今日都唔適宜做嘢