我有另一睇法(二)😂 從商業睇 其實係睇得出佢地推出好多即棄相機 係想將個門檻降低。同推廣可以唔洗技術 可以影到相。想將「影相」變做平易近人。想吸引多啲客源 感受影相嘅樂趣。我諗呢樣應該唔洗反對。 而另一邊反感啲年輕人玩菲林嘅 我個人地認為，都關啲人網上發問問題係類似：我筒菲林沖成咁 係我問題定鋪頭問題。然後就一堆人嚟指正啲正確觀念。 而個衝突我觀察到嘅係，當熟悉果班人睇到年輕人係毫無概念下影(唔識ISO/快門/光圈) 可以無腦地影感受樂趣係商家想推廣 資深的想守住啲正確觀念， 但用錯啲指責語氣 而非解釋點解。 年輕人玩菲林係玩潮流 停留係表面，好似啲炒機咁，我見過有人問 佢咩都唔識 我買唔買X-M5好。我覺得有時都關年輕人問嘅問題方式。有心想認識果樣野嘅人提問唔會係咁。呢個就係我想講時下年輕人大部分係跟trend 唔係真心想了解 所以資深嘅人會反感。 個鴻溝係呢度。 因為你會知道，最後呢類人成為大多數，變成市場主導後，真係會無人記得原本係點。基本上形同慢慢fade out無分別。 而呢樣野 我係覺得呢個係商家同攝影行業 好努力想拉近距離，想將佢延續。