我一生人同曱甴非常有緣份 成日都比佢哋嚇親！ 第一間舖我係地舖嚟嘅 已經成日都走啲曱甴入嚟 係每一日都有 好辛苦，做咗地舖四年搬去樓上鋪 荔枝角嘅工廠大廈唔算好多曱甴 不過一落到樓下啲老鼠成隻貓咁大 後尾搬咗去太子 啲曱甴又係鬼死咁大隻 又去過葵涌廣場開分店 每一日都有曱甴走入嚟都係好大隻 去到而家旺角朗豪坊樓上舖 對比起之前嘅經驗佢哋啲曱甴 出現率唔算好多 但係都有 仲要一出現都好大隻 我做指甲睫毛已經好乾淨，唔會有食物 所以我幻想唔到做食嘅舖頭會有幾多曱甴 我旺角成日叫外賣嘅時候 都試過入邊有曱甴腳 所以以前喺旺角返工 每一次叫外賣我都會撈下入邊睇吓有冇嘢先 我唔想再喺英國見到曱甴呀媽咪😮‍💨😮‍💨 見鬼都唔想見到曱甴