之前試個有位 XX 男上司~~ 六個人連埋佢食晏食咗 $1250, 叫人每俾 $200, 話 $10 尾數唔好計 (從來無人預佢請)；之後周圍唱話餐飯係佢請~~~ 佢仲試過，8 個人開會，佢買咗 6 隻迷你果撻 (撻面直徑一吋) 係咁大聲叫與會者隨便食食多啲 (要會議室出面啲人包括佢上級聽到)；咁梗係無人食啦，8 個人得果 6 粒！打開咗擺響枱幾個鐘，收集晒各人開會時所噴嘅口水；後來開完會，佢將盒口水果撻攞去茶水間，沿路大叫：嘩！我買啲果撻大家食到頂晒肚都食唔晒，大家幫幫手，唔好浪費，真係食唔晒就各人攞啲返屋企......