尋日通過朋友一齊係zoom睇左成個talk，係工作層面上最需要關注有關心理健康就係工作帶俾自己嘅壓力。其中講到如何deal with工作上嘅壓力時，張生講到最需要係勞逸結合。雖然講好似好容易，但畢竟人即使放左工可能都會諗住工作上未完成嘅tasks，久而久之一定會影響到自己嘅生活，甚至健康。 我雖然唔係做醫護相關嘅工作，但我自己身處工程師呢個行業，我經常見到身邊嘅同事做到三更半夜，幾年黎我見證住好多同事日日捱夜，甚至連weekend都冇得休息去滿足client無窮無盡嘅要求，解決判頭喺地盤所遇到construction嘅問題，即使離開左office都要reply大量whatsapp group msg。我自己都曾經深陷呢d困擾，尤其係疫情期間需要work-from-home嘅時候，工作同生活好似更加分唔開。因爲你瞓醒就開電腦，然後由朝到晚坐係你生活嘅環境做野，好多時做到夜晚食完飯又繼續做，因爲大家都expect你隨時都可以access到工作上嘅material，然後到熄電腦嘅一刻你發現已經到瞓覺嘅時間，然而瞓覺嘅地方就係你幾步之遙。（留言續