因為兒童醫院耳鼻喉科唔夠醫生成個科摺埋，係呀，香港唯一一間兒童醫院可以因為唔夠耳鼻喉科醫生，成個科摺埋，連比較複雜嘅氣管做好小朋友都要走去地區醫院。我地「被安排」到大埔那打素繼續打Botox去口水腺收口水。即使兩邊ENT親自handover我地個case，最後都發生好多事令照顧者即係我好難受，好委屈。因為我小朋友係罕見病，嚴重智商，十幾科公立複診，我哋好感激所有醫護，我好理解那打素兒科立場，即使說話唔好聽，但我理解佢地唔想接我（我地兒科主診係QE），我都唔好意思鬧佢，唯一可以做就係要說服（求）佢收我。 點知打針前幾日同我講因為醫院唔同，喺那打素打要收錢，$2000一支，我哋仲有三支即係$6000？！WTF! 我打咗五支都唔需要收錢，你哋要我轉院仲要收我錢？！（我朋友仔同我講佢係比緊$2770一針）成個procedure 係咪癲左，又對病人唔公平，仲有一班轉院受影響但無出聲嘅小朋友呀！ PS. 係呢兩個禮拜嘅事，呢兩日仲要俾我發現聯合醫院同埋威爾斯都係唔收錢😒 PPS. 我好感謝所有公立醫院所有醫護人員，我哋遇過99%都係好好，我個女一生都離唔開公立醫院….