Project 50 人生挑戰 - day 1/50適應期紀錄 今天是挑戰第一天，昨日比較夜瞓，所以定咗個鬧鐘8:00am起身，第一日點都要做得到。 飲咗杯暖水之後，開咗窗吸吓新鮮空氣，感覺清晨嘅時間好靜，好適合沉澱心情。 運動方面，昨日已經打咗兩個鐘頭網球，今日主要以踩單車，做gym或者拉伸為主。 我揀咗踩單車同拉伸，雖然加埋只做咗30分鐘，但發現整個人放鬆咗，出一身汗之後去沖涼，成日狀態都會變好。 晨間記錄計劃入面，我簡單寫低咗今日三個目標，包括完成挑戰規則、睇完10頁書，仲有學習新技能30分鐘。 最近主要係重溫過去有關打造自媒體的書籍，希望為我這個頻道帶嚟更多新想法，邊睇邊構思。 記錄過程時候，覺得滿足感滿滿，但同時又提醒自己，挑戰先啱啱開始，仲有好多需要堅持同改善嘅地方。期待第二天！ 💪