「宣傳」 以前覺得創業好簡單….會覺得餐廳既重心係廚房到 以為只要食物ok就自然會有生意 經歷左咁多年既洗禮後…就知其實開餐廳真係要多方面都要識，宣傳對小店黎講係最大既支出 亦都係最容易忽視嘅一環 好多好多廚師出生既創業者（我都係） 都會覺得唔值得去做宣傳，唔多接受新事物 自己覺得做好出品就係完美，自然會有人欣賞 其實就好似壽司蛋糕咁 而家出面買個靚蛋糕都成$1000 我地壽司蛋糕先$3xx (以前仲平） 我自己會覺得平靚正啦實多人食，但其實有好產品 都真係要諗方法俾多啲人知先得 唔係話一定要俾錢人宣傳 但一定要諗方法等多啲人知 起碼唔好放棄唔去做宣傳呢一環節 其實眼見好多好多小店 都係食物ok 但唔宣傳無人知….由創業時雄心壯志 不斷等不斷客人口碑去存客 等極都等唔到….連自己初初團火都熄埋 其實作為一個創辦人，連自己都灰心無動力 你真係會認為其他同事會比你更上心？ 控制到自己既負能量，保持住創業時果種熱血心態先係最重要 逆境下人人都灰，但我唔可以灰 我係facebook年代既80後 講真我連ig都未太識玩，有啲功能都要問後生同事點做 而家都要學習用脆….要不斷學習唔好被淘汰