發現一個現象，當受傷時總會有人問你係咪因為跑太多、或者係咪我跑班太進階、或者訓練太進取。。。 無論點樣解釋，好似都令到對方好難以理解咁樣😅 總會問我：係咪操練過多自己唔知😅 就呢次受傷，其實我完全唔係因為訓練過量，亦都唔係因為訓練過激，因為都係跑 easy run為主，至於上堂program，教練比我有好大彈性，因應住我當日身體狀況調整，即使果日係interval，教練會叫我改用tempo/ marathon pacing 去跑，又或者跑少幾個圈。我自己亦會因住身體而去調呢～ 有時教練俾嘅速度指標，比當日能跑嘅速度更加輕鬆😆 當呢次受傷，唔同嘅人對我呢次受傷好多嘅猜測，諗返下其實好多人會對別人有好多評價同埋批判，包括我自己都有犯過同樣嘅錯。 老實講，最清楚嘅始終係受傷本人，傷左冇得跑自然就會去反思受傷嘅過程。 在休息中的我，正享受美味的咖啡，緬懷一下從前完全唔做運動喜歡high tea 中女的自己。 近來我想休息一下，為着嘅係要準備迎接要更新嘅自己。 休息是為了走更長遠的路