最近既義工服務，一個係健康嘉年華做招待工作坊參加者，另一個係係腫瘤科幫手介紹癌症關顧中心既支援服務。 兩個活動我接觸到唔同既受眾，前者有老人家、病友同小朋友，佢地雖然行動比較慢，但見到老人家好開心好似變返小朋友咁黎玩，見到佢地開心而我又覺得好愉悅。 前日係我第一次係腫瘤科門診接觸病人，社工提我要調節自己因為我可能會被拒絕或者會有hard feeling 我係過來人當然明白等待既煎熬。 我係門診遊走時見到好多等候既病人，有舊症有新症。 舊症既通常都知道中心服務，只係見到佢地既無耐同寂靜咁坐喺度等叫名，傾談幾句問候下我就走開免得打擾太耐。 而新症我就等家屬忙完後先走過去講解，見到剛確診完全唔知下一步係點個種徬徨無助，我送上一份中心服務簡介同單張，表明你地唔會孤單，後面有團隊同同路人一齊同行，見到佢地心情慢慢安定下來。 又見一個女兒陪爸爸等候，女兒一路聽我講一路喊，我只能送上安慰說話我都係康復者，團隊會係背後陪住你地同行。 係長凳見到一對夫婦同媽媽等社工，我埋去傾偈佢地好客氣話媽媽乳癌已經到中心攞物資，我問下化療有冇嘔同唔想食，就叫佢地去中心試飲營養奶。 後續係留言*