剛剛出門行咗一個大圈（1小時左右） 行經某家人屋企，傳來一陣優美嘅琴聲，既熟悉又陌生嘅感覺從內心（強烈）湧現。 記得以前住喺香港嘅時候，經常聽到琴聲， 唔喺樓上就喺樓下，又或者隔離某家人嘅仔女練緊彈琴。 嚟咗紐西蘭十年，好少好少聽到。 十年來（喺某家人屋企附近）聽見嘅次數都唔知有冇5次。 今日難得咁啱，喺right time right place聽見，有種好難以形容嘅感覺。 By the way，之前裝修，加crown moulding喺天花板與牆身之間，上落嘅時候拉傷咗左邊小腿，休息咗一個月，沉日跑番，仲有少少痛，但有明顯改善，要再俾多一個月佢休養。 要好好善待佢，日後上山下海都要夠你🩷左邊小腿。 睇嚟真喺年紀大，36歲身體就開始殘殘地。以前唔會咁易拉傷，真喺要轉變心態，改善自己嘅性急，多一點慢活（增加肌肉都好緊要），對自己嘅身體再温柔啲。 由於暫時唔跑得住，今日就變成咗快步行，結果俾我遇見咗琴聲，如果喺跑，都未必注意到，睇嚟唔跑得，都有佢嘅好😌