早2日係threads上搵到位台灣風水師睇流年 佢嘅收費真係超佛心！ 重點係佢講左一句嘢令我超級認同： 「雖然你經歷過生死關頭，但係嗰一刻有個貴人出現幫左你」 嗰位就係瑪麗嘅陳醫生💕 我尋晚同同事傾計 話瑪麗醫院係我嘅favourite 佢地都覺得好不可思議 點解會用favourite 形容醫院？ 除咗我係瑪麗生女外 我人生中最大型嘅心臟手術都係喺瑪麗做 係我好擔心手術成功率嘅時候（因為我個病全世界得幾十人有，冇乜案例可以參考） 陳醫生坐喺病床邊同我講： 「我知道你依家一定好擔心 但我好有信心 我地一定可以一齊成為文獻嘅一部分 因為只有成功嘅案例 先可以被寫入文獻」 我就係抱著呢個信念， 成功接受最後一個手術 亦都係佢呢番說話， 令我覺得佢地唔係當我一個case 而係一個活生生嘅人， 全力去救治 公立醫院