頭先係葵廣小食店買嘢，由左至右排隊，我排第三但因為等咗好耐，所以前後排緊咩人己經好清楚。十幾分鐘後終於輪到我叫完嘢食，係我左手邊嘅隊頭係唔應該有人嘅因為第一個已經係我，而果刻竟然有兩個女嘅企咗係度，疑似有隊亂插。我望下後面隔空俾人打尖嘅女仔，最後我開聲... 我：「咦！？你哋應該係果個女仔後面排隊喎！」 點知佢望都唔望樣好衰咁答：「我一路都排緊隊」 然後我學返佢望都唔望：「係！你一路都排緊，所以你咪應該係果邊囉！（隊尾）」 跟住佢兩個望都唔望靜靜行返去隊尾...