睇到呢篇，諗起小學三年班既時候， 一個好鍾意體罰人既Miss蘇，衰左係我手上。 講下呀Miss蘇咩事跡先： 1. 當住全班鬧學生一野又一野篤落去（最小事） 2.兜巴刮個學生（有個女同學比佢刮到耳仔出血） 3.扭學生耳仔直到扭損 呢d體罰對於8-90年代學生黎講好常見， 而小朋友亦因為驚青九成唔敢同家長講， 以為雞校先會咁？錯啦，我間私校都係咁。 當日上緊音樂堂，所有人要企哂起身對住音樂室d音樂偉人唱歌。已經唔記得隻歌係乜，但肯定唔易唱同埋係背唱。 Miss蘇好唔滿意大家唱得唔好， 由鋼琴邊走到大家面前指住一個個鬧， 然後要大家係佢面前清唱。 好衰唔衰我唱到走音（非玩野） Miss蘇掘住我叫我行出黎， 一野扭落我右邊耳仔，秤起左我人離地3CM. 聽落無可能？但真係發生咗，事後都有同學做證， 當刻我無喊到，直到放學嗰刻見到屋企人， 我終於喊出黎，喊住講發生咩事， 屋企人仲有其他事要處理，無即刻搵校長， 車左我返屋企再由另一屋企人帶我去診所。 （留言續）