3年前嘅今日 嫲嫲走左 果日我放假 一朝早就見到媽媽wtsapp我話嫲嫲走左 佢哋去醫院見最後一面 得返我一個喺屋企 又返唔到香港 （果陣未開關 返香港仲要酒店隔離3星期） 只可以不停喊 喊下瞓下 發夢見到嫲嫲又喊 諗起嫲嫲唔知我而家住邊 黎唔到睇我又開始喊 喊到頭痛鼻塞 老公仲特登早退返黎陪我 雖然公司有3日白事假可以放 但我放黎都冇嘢做 就淨係放左1日 打下機分下心calm down左就返返工 結果到嫲嫲出殯我都返唔到去 可能因為成件事我冇參加 冇正式同嫲嫲講byebye 有時會呃下自己嫲嫲仲喺度 但又唔敢諗返同佢嘅回憶 因為我會失控喪喊 到開返關 可以返香港 第一次去拜嫲嫲 喊到con都甩埋 而家去拜山會忍到講byebye先開始喊 原來時間真係會沖走悲傷 我會唔會有一日可以好平靜咁同嫲嫲講 下次再黎睇你