【anti偶包】 ERROR算唔算香港SMAP？ 呢種戇鳩鳩男團係可遇不可求，應該受到更多關注。 你去SMAP個wiki都係話佢哋改變咗男團嘅既有定型。的確係上世紀90年代喺日本形成咗一種以綜藝為主軸嘅男團風潮，代表者有Arashi嵐同埋Kinki Kids堂本兄弟。但係你宏觀全世界其實唔係好多國家可以replicate到呢種「don’t take yourself too seriously」嘅偶像文化，即使近幾年東亞文化軸心慢慢遷移咗去韓國，每年倒模式咁製造十幾對新團出嚟，都係以賣樣為主，就係複製唔到呢種率真同埋童稚。 你唔好話，正正呢種玩世不恭先可以令木村拓哉紅咁多年，因為佢唔使背負偶包帶嚟嘅巨大壓力。綜藝可以俾觀眾睇到偶像比較真實嘅一面，為佢嘅人設提供一個舒緩點。其實偶像都係人一個，佢自己都唔會想俾人當神咁拜。 香港有ERROR，唔容易，應該珍惜。