講到口臭唔知講咗幾多次唔好去旺中整甲，開盲盒一次半次冇問題係好彩。 去旺中表面上好似好Q平，百幾蚊咩款都整到，但係一坐低唔同gel又加你錢，卸甲又加你錢，修死皮又加你錢，整完之後又唔知點解有啲原因加你錢，價錢極度唔透明。所以講真去旺中不如返大陸整，反正都係大陸人嚟，喺香港仲要收貴你但又hea鳩你。 喺香港整甲一係就搵返啲貴少少嘅中環尖沙咀上環旺角銅鑼灣，一係搵返啲工廠區荔枝角新蒲崗觀塘是但一間小店都會正常過旺中。自己都有責任做多啲research，喺IG邊間有心冇心好易睇。 真係死人冧樓世界末日新年聖誕都千祈唔好去旺中，百分之九十九係喊住走。 另外得罪講句要買package嘅我都建議你唔好，收咗你一嚿錢之後每次都唔使收你錢，你覺得佢會有心機幫你整？收咗錢之後特別節日又唔計，過咗幾多個月又冇效，就係想博你唔會再問佢追番呢一舊錢。大家唔好再咁傻豬！