睇到呢段新聞，想起疫情期間一啲往事 曾經，我好想擁有一隻鑄鐵鍋 疫情期間，有朋友推咗我入一個新開嘅FB煮食群組，疫情時大家煮過咩餸，就po上去分享 開頭都幾有意思，但慢慢就演變成曬命群組，唔係曬嘢食，係曬架生 有個我唔識嘅女人，好踴躍po相，由煲到碟，全部都係LeCreuset，仲要隻隻都唔同色 雖然用乜嘢都唔關我事，但呢個女人完全唔會考慮配色問題，用隻紅色碟裝菜、灰色碟裝肉，而成張檯，隻隻碟唔同顏色，我眼都花埋，感覺似曬架生多過曬廚藝 同埋作為攝影師，睇到撞色撞到咁，我真係會唔習慣 而且同呢個女人同品種嘅人，群裡面唔止一個 最終我係頂唔順退咗群 仲有見過一張相，個po主放個全新LeCreuset上煤氣爐，然後出po問人煲身嗰張大Label可唔可以唔搣，因為好靚…… 從此，我就打消買鑄鐵鍋嘅念頭 又或者，以後就算想買，我都只會想買Staub，或者Vermicular 而終極夢想，係南部鐵器，可惜我用唔起 烹飪