🍷鍾意醉嘅感覺同埋酒嘅味道 7️⃣ DIO | Cafe Bar 📍中環鴨巴甸街 一句講哂：創意同味道並重港式Cocktail🇭🇰 🍹調酒 冰糖葫蘆 🍓 基酒：Gin、羅漢果酒 風味：Fruity 士多啤梨 山楂 酒感：偏輕 近乎飲唔出酒味，好易入口！ 士多啤梨果泥 配上羅漢果酒 酸甜適中 有啲似飲緊水果沙冰 畫龍點睛係酒吧自己做嘅冰糖葫蘆 一路食一路飲好快就飲哂成杯 Pepper Tom 🍲 基酒：Vodka 風味：白胡椒 鹹酸菜 酒感：偏重 寫得第二杯就知呢間店有幾出色 呢杯以胡椒豬肚湯為靈感 所以rim係白胡椒粉 飲落真係好似飲緊湯咁 鹹酸菜嘅味道為成杯酒加咗層次 白胡椒infused嘅vodka 亦帶出咗辛辣嘅後勁 係一杯恰如其分嘅豬肚湯😋 另外仲試咗「這不是麥精」同「酒釀丸子」 兩杯熱cocktail 有創意而味道都好有水準 🪑環境 座位唔多 只有吧檯約10幾個位 同埋對街2個座位 比較適合1-3個人飲吓嘢 🤵🏻服務 調酒師都係香港人 好友善 同埋都好用心介紹酒單🫶🏻 總結：調酒師嘅創意真係無限 呢間仲要主打港式調酒，好多熟悉嘅味道😆 中環酒吧