每日寫十個小確幸 1. 落大雨，勁濕凍，凍到失去理智，再次醒來已經好晏，但係起身就有熱湯飲。 2. 仲拎左chikawa絨絨睡衣套裝着，好保暖 3. 全日冇離開過張床咁濟，因為真係最暖嘅地方 4. 全日都好懶，一行都冇織到，但係望住卷毛冷🧶覺得好靚好治癒 5. 收到一條好靚嘅連身裙，準備3月返學校舞會着 6. 搵韓國代購訂左啲新衫，見到要訂2星期就覺得自己遲左落單，但係佢哋真係靚（我覺得）值得等。 7. 凍到冇乜胃口，但夜晚有豬骨湯，啜左骨髓好正⋯ 8. 洗完頭用熱風吹頭果下好舒服 9. 攞定聽日返工衫，順便執左兩下衣櫃，執左幾件可以扔嘅衫，覺得自己好叻叻 10. 缺水星人岩岩食左個橙 每日十個小確幸 其實要寫十個真心唔容易，但係可以迫自己更加覺察到生命中好微小嘅開心事。 呢個咁啱都係我之前幫自己抽牌話比我聽我每日需要做嘅事。 只要愈識感恩，擁有嘅野先會愈來愈多。 雖然今次冇中六合彩，但係我收到同事送張六合彩嘅時候真係好搞笑好開心。諗返都覺得好有趣。希望我人生可以愈來愈多開心有趣嘅事。 亦都希望自己唔好比咁大壓力自己。今年都要好好照顧自己。