諗返起小學有兩個曾經我覺得係best friend forever, 一定會係一世嘅好朋友，仲升同一間中學。 點知一個中一嘅時候抄我橋，之後七年冇再講過野，另一個就係我所講既grow apart，佢讀書叻啲，又識跳舞，人又甜，好快識到班好類似嘅同學做朋友，我就比較普通，又未做唔讀書，但都係kam kam地個啲。 其實我地冇鬧過交，好自然咁樣少左同對方傾計、相處，但要講野都好自然咁講到，我都曾經婉惜過，畢竟小學時，我倆被稱為孖公仔。不過漸漸都放低左，因為我都唔知可以同佢傾啲咩，從我地嘅圈子可以睇到，我地已經係南轅北轍既人。