朋友鍾意咗個公司新同事 我恍如演唱會VIP咁全程直擊晒整個表白過程 雖然唔係我表白 但都少不免會一齊緊張 被表白對象如預期般拒絕咗 不過佢嘅答案 令我明白點解朋友會沉得咁快 好多時我哋拒絕人 都會從自己角度出發 ：對唔住 我唔需要 ：唔駛啦 我唔啱食 ：都係唔好啦 我想休息吓 因為係被詢問嘅一方 大部分嘅人都會用「我」嘅感受去回答 而哩位被表白者剛好相反 佢先係關心朋友近來嘅生活 關心嘅內容點到即止 無過多嘅窺探 然後再好坦誠咁話自己已經有另一半 成個對話好舒服 好成熟 對比起不加修飾嘅直接拒絕 哩種回應搣走咗份排斥感 多咗份溫暖 成年人嘅世界已經夠hard mode We don’t need to add to the suffering of others🚬