話說我有兩個表姪女，佢哋差三四年，都唔係重點。我哋揀禮物送俾佢哋都會揀差唔多種類差唔多價錢。呢個亦唔係重點 早前家庭聚會，有個舅公遲大到，一嚟到竟然封利是俾個細，大嗰個冇份但企喺隔離睇到，佢仲唔醒水話唔知大嗰個都會嚟 我呢啲後輩夾喺中間冇講嘢，由得老一輩嘅話佢。其實個solution 都好易，有成班親戚，又係屋企開p, 咁多人實籌到現金同利是封，拿拿聲即刻封佢都唔做。仲話自己鬼仔性格，唔駛跟足傳統，然後惱羞成怒，嬲佢啲家姐細妹話佢 我呢個疏堂表舅母都係唔好講咁多嘢，做好本份，兩個都錫 一係兩個都唔好俾，一係兩個都要有，手足矛盾就係咁樣開始，就係有個唔識do 嘅大人