幼教同大學講師有咩唔同？ 幼兒教育係一份辛苦而任重道遠嘅工作 辛苦在老師要照顧嘅唔係人類，係生物 好多人話BB五歲前其實仲未成為人類 幼教俾BB嘅係成為人類嘅資格 BB點睇人際關係喺幼稚園開始 開心嘅幼稚園生活，對往後人生信心就大啲 如果有一間幼稚園「舊生」係會湧住番去 明明冇記憶都會記得嗰度嘅時光 嗰間幼稚園一定係佢人生一個天堂嚟 而大學講師，就係「童年」嘅最後一根稻草 畢咗業，就要真正同學生身份講再見 走入社會日日破地獄 搭地鐵俾全數 好多學生行到大學呢一步 風光背後，其實已經被damaged 有唔知想點嘅，有對自己喪失信心嘅 有更多係因為被迫讀書而同屋企人反晒面嘅 喺學業嘅終點站，有冇人肯聽佢講嘢 扶佢一把，就係佢嘅最後一根稻草 有時其實都會感到無奈 因為去到呢個階段，一切已經太遲 你係改變唔到佢嘅困局，只能陪佢行最多四年 成日上網都有人講 因為某老師一句說話而崩潰幾十年 所以話如果你但求hea 做，教書真係唔難 但萬一你放咗個心出嚟嘅 你嘅一句說話，可能會影響學生一世 你更驚因為講漏咗一句說話 就救唔到一個正係邊緣嘅學生