最後都係冇辦法陪埋你走 希望你喺貓貓天堂再冇病痛過得開心 希望你喺人間呢段時間我有比到幸福你 仲記得第一次愛護動物協會見你已經咬我 雖然你真係好惡死成日想咬死我 但係你都係我心目中最q最man嘅貓 成日有人上屋企裝修整野嗰啲都一定跟實條友望實佢 屋企有蟲我同你講你都會即刻幫我捉 返工嗰排又會朝早叫我起身 雖然有時早咗成個鐘 但係你唔識睇鐘我理解的 成日覺得你真係一隻好醒目好有責任心嘅貓 好似個管家咁 我每朝瞓醒覺你一聽到有聲第一時間跑上嚟搵我 呢個我每朝起身見到嘅畫面 我以為返到香港仲會見到 呢12年已經習慣咗你嘅存在 冇諗過有日返到去會再見唔到有啲唔知點算 仲係好想攬下你