其實我呢個地方唔係想做學術 係時候要講下其他嘢 ❮男子向一人旅❯ POPEYE 係一本有啲歷史嘅男性時尚雜誌。經過多年，喺十幾年前加咗個副題 Magazine for City Boys。今次先唔討論 cityboy 風格。 喺日本一間蔦屋書店見到呢本POPEYE 嘅特刊，題目係「僕らのニッポン一人旅」，我兩眼發光。日本有太多「女子旅」嘅雜誌介紹，但「男子旅」呢個詞基本上係唔存在。男子向，而且係「一人旅」，就係我經常做嘅嘢，本書簡直係為我而設。 究竟男子嘅一人旅係點？City boy 喺日本會去咩地方旅行？呢個特刊嘗試去解答。 之前唔知點解好多人突然去獨遊。獨遊嘅魅力係時候要俾更多嘅人認識。