同事係男黎既，亦都係供供。 昨晚上左女朋友屋企食飯，見家長。人地老母第一時間緊係關心佢既情況。 母：你而家自己住？ 男：係呀，都想獨立生活 母：租左邊呀 男：係上水，不過係買既 母：（即時黑面）咁full pay / 供樓？ 男：供緊30年 母：（更黑面）咁仲有幾多年要供？ 男：我21年買，仲有20幾年 母：即係層樓負資產啦，仲要供咁多年空氣？要我個女陪你蝕錢捱？ 男：…. 都叫有個家 母：唔識租？租更有彈性，想成世住上水？住上水不如返深圳住。 男：……. 母：本身諗住邀請你一齊新年去日本，我諗你都冇錢架啦唔洗去啦 男：…. 供樓嗰度壓力大，不過平平地都去到 母：我地坐ana去，食omakase，你得咩？ 男：….. 我坐peach後join你地…？ 母：咁等你供完層樓先再講，送客 大家覺得以上情況有沒可能發生呢？ From Lihkg 香港樓市