尋晚瞓覺前 男朋友摑咗我三、四巴 其實係我摑佢一巴先嘅 之後同佢嘈交 然後我叫佢走 佢就發癲搗亂我屋企 又搵鉸剪 諗住剪爛佢送畀我嘅公仔 我就摑佢一巴 佢連續摑番我三巴 摑到我流血 然後我地就打交（自己已經豁左出去 諗住分手） 叫佢走 佢唔肯 之後我攞手機諗住報警 佢知道我要報警後就㩒住我唔畀我陏 要我冷靜 所以我又講咗句 你呀媽生你落嚟都唔知做乜 然後佢又突然摑多我一巴 摑到我耳鳴 到最後我係咁講分手 佢就跪係到氹我 要我原諒佢 跟住氹氹下我 佢又自爆 話原來兩三個月前 見過佢個「ex」 又唔係真係ex嚟嘅 佢地只係有諗過一齊 有扑過嘢 但最後都無一齊到 原唔原諒佢好… 一嚟又係我衰先 摑佢先 但一諗到佢個個樣 連續摑我幾巴就….