年廿八洗邋遢 我哋迎接新一年嘅喜慶之前 有一個傳統習俗絕對唔可以忽略 就係—年廿八，洗邋遢 呢句說話 相信大家都耳熟能詳。 「洗邋遢」係我哋追求福氣嘅一種儀式 透過清潔家居 洗走舊年嘅霉氣 迎接新一年嘅福氣 古人相信 污糟邋遢嘅環境容易滋生邪氣 阻礙福氣嘅來臨 所以新年來臨之前 要將屋企徹底清潔乾淨 寓意將所有嘅壞運都清除 令福氣可以順利進入屋企 咁究竟點樣洗邋遢先至最有用呢？ 以下有幾點小貼士同大家分享： 第一要「用心」 洗邋遢唔單止要洗乾淨屋企 更重要嘅係洗走心中嘅負面情緒 以積極嘅心態迎接新一年 將舊年嘅唔開心都通通放低 咁樣先可以迎接更多嘅福氣 第二要「徹底」乾淨 即使平時都有定期清潔 年廿八洗邋遢都要比平時更加乾淨 尤其係一啲平時容易忽略嘅角落 例如床底、櫃頂、窗框等等 呢啲地方往往係污垢同晦氣積聚嘅地方 一定要徹底清潔乾淨 第三要「斷捨離」 趁住洗邋遢嘅機會 將屋企啲唔需要嘅嘢清走 騰出更多空間，迎接新嘅事物 亦都象徵住去除舊嘅負擔，迎接新嘅福氣 最後祝大家喺新嘅乙巳年 身體健康、心想事成 記住福由心生，福自天降！