2025-01-27 16:40
「聽說太理想的戀愛 總不可接觸
我卻那管千山走遍 亦要設法去捕捉…」
明明雲吞麵檔嘅收音機播緊90年嘅金曲《誰明浪子心》,嗰個唱腔一定係王傑啦!點知我個腦浮現係《金雞sss》電影裡面,飾演哥頓哥嘅渣渣輝,七情上面嚮K房唱住呢首經典,明明一首浪子慘情歌,我竟然笑到噴麵~究竟係咪就快新年,潛意識又會翻睇呢啲無乜養份又食餐飽嘅港產賀歲喜劇,於是就諗起張家輝?
明明同一首歌,歌詞一樣,而我個腦就選擇咗呢個版本,令我收爐前衝衝衝嘅日子,調息情緒!笑下啦 香港人!
廣東歌萬歲