城中熱話：五索的變化史💯 究竟佢整容整咗啲乜？  今日小編不評論五索做富商小三啱唔啱🙂‍↔️ 反而想討論一下佢嘅容貌變化！果然要成為富豪的小三/女朋友要出盡殺手鐧。睇返五索對比幾年前嘅相真係相差好遠。 首先五索應該做咗雙眼皮嘅手術，由以前嘅內雙眼皮變為依家嘅歐式平行雙眼皮。 隻眼大咗好多，眼尾亦都戚咗上去，感覺氣場比以前提升咗好多，仲有少少惡嘅感覺。就咁睇好似呢對雙眼皮並唔係好襯佢。 然後到個鼻，五索比較明顯嘅就係個鼻樑高咗好多，而鼻翼亦都縮細咗好多。但係比例上亦都有啲奇怪同埋唔自然，如果鼻樑唔好做咁高，反而比較適合佢，因為佢嘅輪廓唔算深。 去到個嘴，五索以前個嘴比較薄，而而家個嘴好豐滿，應該係打咗透明質酸。另外佢個嘴都長期微笑咗上去，應該做咗微笑唇手術/ 打咗透明質酸同肉毒微笑唇。 而依家五索面部亦都比以前尖咗好多，睇嚟做咗下顎嘅手術或者肉毒咀嚼肌。反而蘋果肌同額頭方面就脹咗好多，就咁睇應該打咗一啲透明質酸或者自生膠原嘅產品。 大家又覺得五索以前靚啲定依家呢？ 不過整容都係想自己開心 （但係小編都建議量力而為，要跟返自己嘅特色去微調，而唔係倒模一模一樣嘅網紅樣啊😭） 五索