最近有個個案， 太多情緒壓抑到講唔到， 問佢幾個問題，形容唔到，直頭dead air … 見到佢好想講，但係壓晒係內心， 從來冇諗過將情緒講出口，係點一回事？ 特別係陌生人面前。 呢個個案預約時間之後， 一直有係WhatsApp同佢溝通傾偈， 佢喜歡主動分享日常生活俾我聽， 擅長用文字同電話將感受打出嚟， 反而面對面、同人溝通， 將自己真正感受講出嚟就真係好難。 用咗大半個鐘嘅時間， 先透露到少少關於工作上嘅唔開心… 咁我唯有傾啲情緒以外嘅嘢，輕鬆啲， 甚至講到一套佢鍾意睇嘅電影Inside Out， 我就趁機問佢， 如果Inside Out就係你嘅情緒控制台， 咁最常出現嘅角色會係邊個？ 佢答案係阿愁。 跟住我就即時嚟一場inside out 轉化， 叫佢想像自己嘅呀愁出現喺你面前， 代表晒你所有嘅唔開心、失望、委屈、冇自信、擔心嘅一面。 然後叫佢抱抱呀愁， 同佢講：唔使擔心，無論你身處係咩狀態，你幾唔開心都好，我都會無條件陪伴住你、無條件支持你、無條件聆聽你嘅需要。因為你都係我好重要嘅一部份。 留言再續