痛症最根源一定係姿勢問題嗎？ 有人話係長期唔郁動所以有痛症 有人話係做太多運動所以有痛症 有人話係唔健康嘅飲食導致身體有炎症而導致嘅痛症 有人話係人老咗一定會多病痛 咁我會再念點解 點解佢地會有呢個姿勢？ 點解少運動？點解會做好多運動？ 點解會食到有炎症？ 點解老咗一定會多病痛？ 每個客人我都會咁樣繼續念點解 最少念3次WHY 好多時我都會考慮埋經歷同情緒 有時人對痛嘅感覺嘅強弱 同情緒影響感覺神經有關 當身體有任何原因令自己冇安全感 身體就會有保護機制 其中一個反應就是啟動交感神經 令身體進入作戰狀態 交感神經會令肌肉或筋膜繃緊、收縮 流向肌肉的血流量降低 身體嘅廢物同埋營養得唔到好好嘅循環 身體自然會痛 所以有時大家都記得關注自己情緒健康呀💕💕 祝福大家2025 身心健康提升💕