去年初，有個朋友很突然病逝，回香港時特地約了兩個朋友去探佢。 去到骨灰龕位，看見有些灰塵，當時是夏天，身上只有涼感濕紙巾，就隨手遞給另一位朋友讓佢幫手抹吓，自己擰轉身準備其他嘢。 可能佢覺得就咁抹會尷尬，佢一路抹一路講「涼下啦，之前咁熱」 我聽落覺得怪怪地，擰轉身望返住佢，另一個朋友已經忍唔住笑到喺度震咁嗌咗句「仆你個街，你即係話佢火化嘅時候好熱啫」 我哋三個笑到癲咗，自問接觸喪事比其他人多，都係第一次見人喺墳場笑得咁開心。