講完誇誇群，到銀仔嘅另一邊啦 有人提醒過我英國人好鍾意gossip，飲杯茶食個飯之後就有大量流言蜚語傳來傳去。 開始呢份工時，我曾經好努力跟同事們small talk打好關係，不過要進入一個圈子唔係咁容易，作為I，喺我半放棄之時，奇蹟出現咗。 有次同事約埋我一齊食晚飯（升級咗，係收工之後嘅social ），席間某位同事爆seed，講呢個唔好、嗰個唔make sense，其他人同意之餘再加多幾把口一齊講。我就梗係齋聽唔評論啦，新來睇定啲先。睇你平時客客氣氣，估唔到咁多不滿。佢哋又好似唔介意其他人周圍唱，好似open secret咁，反正大家都知呢幾個人唔夾。 唔夾還唔夾，永遠唔會面對面開拖。對各人嘅comment通常會透過第三者傳出去，我唔肯定會唔會傳返畀當事人，但肯定當事人都有爆其他人料。 其他人我唔埋啦，我關心嘅係，唔知佢哋點諗我呢？ 可惜，由於誇誇群太入戲，當面問永遠唔知道對方真實嘅諗法。就算問第三者，佢哋都有可能過濾咗最hurt嘅comment，我認為最有效嘅方法係睇Appraisal! 關$$ 事點都會真啲啩？