琴日行路仆親，已經冇玩緊電話。 專心行路，但都仆街 痛到坐咗喺條街度五分鐘，郁唔到。 途中勁多人過嚟關心我，仲有街坊見到咁啱附近有救護車，搵咗救護員幫我檢查🥹 後尾朋友嚟咗接我，休息咗個零鐘，我就跛下跛下行去地鐵站。有個婆婆見我行到咁，主動過嚟叫我撟住佢慢慢行🥹上車（滿座）佢行埋去問個年輕女士：個姐姐咬柴呀，你可唔可以讓佢坐？ 我喺隔離😂😂😂😂😂😂😂 覺得好搞笑又唔好意思，迫咗大家讓我坐🥲 婆婆七十幾歲，仲勁精神，平時又做義工，每日自己去買餸🥹皮膚仲好紅潤。問佢係咪搽咗胭脂，佢話係黨參北芪紅棗嘅功勞😂多謝婆婆陪我行咗一段路，希望佢會過嚟舖頭飲茶。 香港有愛💖朋友，街坊同婆婆都好有愛✨