【點樣長命百歲】 (old news is so exciting) 因為無聊嘢，啱啱諗起舊年嘅「搞笑諾貝爾獎」(Ig Nobel Prize) 當中「人口統計」範嘅得獎研究項目。 唔知點解冇人提。呢個研究對大家都好緊要㗎，因為佢主題係關於點樣「 #長命百歲 」。澳洲學者 Saul Justin Newman 仔細研究咗世界各地「長壽村」嘅數據，發現大部份都係貧窮、落後同埋文件紀錄保存唔完善嘅地方。咁係咪大自然環境無污染令到人長命啲呢？ Saul Justin Newman 撚咗啲數據之後，發現咗「長命百歲」嘅驚天大秘密⋯⋯ ⋯⋯ 就係 ⋯⋯ 造假⋯ ⋯ 係。結論係 *造假*。偽造文書嗰種。只要你張出世紙係假嘅，所有身份證明係假嘅，咁你鍾意話自己老三年又得，五年又得。但點解你明明八十幾歲要話你係一百歲？因為你五十歲嗰陣想攞退休金囉！ 仲有，Newman 發現好多時，所謂「百歲老人」都只不過係官方紀錄入面存在，真係要搵佢真人出嚟嘅話，可能得返棚骨。咁點解佢嘅家屬唔通知官府？因為死咗嘅人 冇得攞老人金吖嘛⋯ 👻👻👻 第一次睇到都眼突，但諗落又好合理...