我想講 今年係我喺英國過嘅第4個農曆新年 記得第1年 啱啱嚟到仲未識到朋友 仲係適應緊新環境 係好寂寞 好孤獨嘅農曆新年 第2年 屋企人嚟左探我 終於食到媽咪煮嘅團年飯 食到媽咪煎嘅糕 食到媽咪煮嘅湯圓 係好溫馨 好幸福嘅農曆新年 第3年 開始識到可以傾到偈嘅朋友 過年前去朋友屋企一齊整蘿蔔糕年糕 係嘻嘻哈哈 好多祝福嘅農曆新年 今年 朋友都清楚明白其實我淨係識得食 所以都已經放棄左叫我幫手 然後過年前已經收到好多朋友親手整嘅糕 年廿九仲同朋友一齊食左餐團年飯 係好溫暖 亦應該會係好熱鬧嘅農曆新年_ 新一年 祝洪嘉豪 先生同埋各位院友✨ 「洪」粉緋緋 「嘉」肥屋潤 「豪」飲 豪食 豪買 豪大大雞排（？） 「新」體健康 「年」年有餘 「快」高長大😎 「樂」此不疲🧡 🇬🇧英國慶祝農曆新年之非日常 🧡祝你有蛇年的一天