說話技巧的重要性 例子1： 年初一朝早要到醫院陪屋企人複診： 我心唸：點解新年流流第一件做嘅事情係到醫院 醫生就講：初一黎完之後 新年唔使心掛掛 過個好年 例子2: 同事親人新年前2星前離世 殯儀sales對同事講 你親人好錫你 因為火化場咁岩新年前仲有位 新年前完晒成件事 唔使心掛掛拖到過年 例子3: 我係個懶到出汁嘅人 做一樣野要有好大原因先肯去做 一路拖左好多年都唔讀master 我個行好有份量嘅前輩講 你當送一份生日禮物比2年後嘅自己 你2年後嘅自己一定會好感激你2年前嘅自己 例子4: 老細見到某銀行CEO 對方同老細講新年快樂 再講xxxx刪幾百字字 老細同對方講 我今年一定好快樂 好好運 咁都見到財神 再講xxxx刪幾百字 對方笑到見牙唔見眼 勁開心 例子5: 阿女阿仔讀書踢波捉棋做某樣野比其他同學差 我都只會講 因為其他人努力過你 所以你未夠佢地好 人地可能一星期操5日 你就一星期操1日 比人好 得一個方法 就係努力練習 從來唔講天份與否 同阿女阿仔講 考試咩成績都冇所謂 只要你地有平時有勤力溫書就可以 其實當你有溫書 成績又點會差 留言再講說話技巧失敗例子