【 經過今年拜年，發覺原來親戚圈子都會愈嚟愈難Keep】 細個去婆婆屋企拜年 真係熱鬧到爆 大人圍埋打牌 細路坐埋一齊打機 不打不相識 不論點樣，一到新年就知 一定有個地方 一班人一齊傾偈一齊笑 夜晚婆婆總會煮九餸一湯 成枱豐富到誇張 屋企充滿住新年氣氛 同親戚聚埋一齊，嗰種溫暖係實實在在 但自從婆婆走咗，每年拜年就變成去酒樓食餐飯 講句恭喜發財 然後大家就各自返屋企 連坐耐啲都無 冇咗以前嗰種熱鬧 如果唔係有逗利是 可能連自己係過緊新年都未必Feel到 以前覺得親戚關係係自動存在 長大後先發現 冇咗核心人物維繫 圈子都會慢慢散 你哋今年拜年有冇類似嘅感覺？