（續）呢個過程對我嚟講拍得精彩甚至感動，係因為所有呢啲諗法、糾結，大部分都喺歌曲到發生，由歌講出Dylan嘅諗法：而因為戲劇處境，對呢批歌一知半解嘅觀眾如我，得到對歌曲新嘅理解。例如Maggie Farm對應整個民謠圈、Like a rolling stone對應佢應對自我脫變嘅不安同豁出去、捨起木結他結尾一曲Its all over now baby blue與圈子正式分手，整個過程都唔係佢表面上咁灑脫，成個內心變化我覺得甜茶係做到嘅。 當然如果對Bob Dylan冇興趣嘅話呢部戲一定唔易進入，但作為樂迷，我有少少一箱情願係佢老人家回望過去對提拔者表達嘅敬意。 （其實佢電單車意外之後隔兩年錄嘅Nashville Skyline就去搵Johnny Cash玩country，後嚟同Rolling Thunder Revue tour都有搵Joan Baez，我反而想睇有人拍佢離婚同Rock完之後突然信主唱福音嗰段故事。）