雖然唔係去山頂實習，但我個經歷都同佢差唔多 希望遇到同路人分享可以點樣應對 調整返個心態 分享下自己嘅經歷 而家今年實習都過咗一半，一開頭實習又係去咗個外科，啱啱讀大四咩都唔識好正常啫，啲帶教可以教一半又唔教一半，就當你識晒；做操作冇犯原則性錯誤，只係佢哋唔鍾意咁做，就鬧；鬧都唔緊要，但係一句正面說話都冇講過，搞到個人越嚟越自我懷疑係咪咩都做唔好咁。雖然未去到話大壓力到想自殺，但嗰陣心情低落到真係想睇精神科咁制，好彩後面既科室嘅帶教都好supportive，會俾返啲正面嘅回饋比學生，實習遇到好嘅帶教真係好重要，祝睇到呢篇嘅人都實習順利！🫶🏻 好腳上天堂，壞腳落地獄 呢句明明係物理治療嘅範疇，但係應用喺實習遇到嘅人又好貼切，好似千里馬咁都要遇上伯樂先可以發揮佢最大嘅作用