[圖文不符 不是撐利 只撐英格蘭] 今年係我喺英國過嘅第二個農曆新年初一 香港嘅朋友 每個都放緊假 而我 就要返學 好彩嘅係大學逢禮拜三放假 而唔知係咪因為太掛住香港嘅嘢食（初一我哋會食長壽麵 而搞到瞓唔着 就喺度諗好多嘢 每次同朋友傾自己嘅擇偶條件 我第一個會揀 細過自己 會有一種想保護佢嘅感覺 想照顧佢嘅感覺 但隨着經歷 拍過嘅對象細過自己 原來自己最想要嘅唔係呢啲感覺 （當然 當初分手唔係因為呢啲原因） 而係雙方付出 互相遷就 有一個平衡 無奈嘅係 當初自己唔夠成熟 覺得自己有能力一個人承擔晒嗰一段時間嘅唔開心 （唔係話對方唔會為自己唔開心 只係對方唔開心嘅時間絕大部份都係分手之後先會有） 其實而家擇偶難度反而更加多 唔同地區嘅時間 真係好容易影響大家嘅感情 有人會叫我試吓唔同地方嘅人 但係自問冇呢個能力溝鬼妹 未能夠融入英國嘅社交圈子 而認識嘅外籍朋友 絕大部份都係男 同樣 有人會叫我試吓落酒吧 但係我對酒吧有種強烈嘅反感 冇必要都唔會去 而且並冇諗住喺酒吧入邊認識任何人 到頭來 都係唔知自己想要乜。 可能聽吓朋友講 揀個大過自己嘅 比較成熟？