和興隆 一間由細睇大我嘅一間士多 真係唔係講笑 凌晨4/5點 敲吓道閘 老細就會開門 每次唔係見佢親自仲係到點緊數 就係到飲緊湯 到我會smk嘅時候成日同我講小心啲啦 呢期多差佬 到23年嘅新年嘅時候 我記得嗰陣我仲拍緊拖 初十 我見到佢終於嗱嗱聲捉住女朋友走過去 一去到…….個畫面我呢世都記得 老細退休 交咗比個大陸西頂手 我真係忍唔住喊咗出嚟 以為我有咩唔開心都 會夜麻麻去敲吓門 事隔兩年 我係樓下自己smk緊嘅時候 見到佢!!兩年 唔同人 唔同景象 我問佢：點解會返咗嚟嘅 佢話想返嚟行吓 我同佢講真係好掛住佢仲係到嘅時候 仲同佢講佢轉咗手兩年 我就分咗手兩年到宜家…… 有時呢啲情懷係一去不返 宜家間士多 全部都係大陸嘢 問心真係唔太鐘意 我仲會日日去買嘢係對呢間鋪頭嘅情懷 我估唔到就到打到咁大篇野出嚟