作為一個Freelancer學到幾樣嘢 1. 唔好over-promise: 無咁大個頭就唔好帶咁大頂帽. 有時有啲嘢唔試過唔知做唔做到同埋識唔適合. 即係咁, 如果有客人想做十樣嘢, 我會首先試下做一樣出嚟睇下咩料, 先考慮可唔可以合作落去. 2. No self-selection: 如果真係唔適合, 人哋會同你講, 或者直接唔採用你. 但係如果你唔嘗試, 就永遠都唔會知道. 所以, 人哋畀機會你之前, 你都要先畀機會自己. 3. 最大嘅敵人永遠係你自己: 除咗你自己冇嘢可以阻住你成功. 只要你一日唔放棄, 你都未失敗. 4. 溝通好緊要: 唔識就要問, 唔明就要問. 對於我嚟講, 工作嘅70%係要了解客人想要乜嘢, 30%先係實質做嘢. 即係話如果你善於溝通, 已經成功多過一半! 5. It's okay to say no: 唔一定係客人啱曬, 有時可能佢未必明. 如果你肯解釋畀佢聽, 佢又明白當中嘅trade offs, 咁就大家都on the same page. 但係如果你明知有問題, 為咗避免有衝突一味yes man上身, 到時只會越嚟越麻煩.