過咗差唔多一個月，年初二今日睇番電視叱吒重播，還原返1月1號我在現場魂遊時見到的畫面，發現仍然好期待姜在電視上出現，今年投票之前，我祈求上天畀我喜極而泣嘅感受，終於上天畀咗個最好嘅結果比我哋，我在現場見到姜感動到喊，我都冇喊到，但後來我在IG及Thread睇到鋪天蓋地嘅文章去鼓勵姜濤，又有隊友粉，街外人，出咗好多post話姜糖令佢哋好感動嘅時候，我就真係眼濕濕。 其實當森美頒最受歡迎男歌手時，講佢要喜愛佢嘅人心急咗兩年，當時我唔明森美其實講緊邊個，直至聽到姜濤兩個字，嗰種意外驚喜，令到我哋四個姜糖其實唔知當時係一齊彈起狂嗌，後來係後面嘅人叫我哋冷靜啲坐低，我先知自己做緊乜。之後再頒我最喜愛歌曲"好得太過份"嘅時候，先至見到好忍得嘅姜糖當刻才燈牌全開，當時真係好感覺到每一塊姜牌都係有力量，希望之後會不斷有更多姜牌在地球每個角落出現，照耀姜濤的演藝之路。 P.S.香港糖今年努力為其他糖揾叱吒飛時遇到的屈辱；當日現場有好多糖比咗錢無飛入塲投票；海外糖回香港投票的辛苦經歷，亦成為我最難忘的回憶。總之，因為有千辛萬苦都要入塲投票的你，姜濤先可以攞到獎咋。我哋出年一定會繼續……