新年 每到新年，我屋企樓下都會多咗大量新面孔嘅保安😀過去嘅幾年，每逢新年落樓都好似行紅地氈咁😊 而今年終於都有啲唔同，終於都冇行紅地氈嘅感覺😂(少咗一半人咁囉) 雖然我仲未結婚😞但係我每年落樓都會準備兩封利是，一封係比每晚放工返嚟都開門比我嘅保安姨姨，另一封係比每日幫我哋倒垃圾嘅姨姨☺️ 頭先我離遠就見到保安姨姨今日有返工 (過去幾年未必會初一二見到佢)，我即刻喺我個袋度搵佢封利是出嚟，佢如常出嚟幫我開門，而我就好快手咁遞咗封利是俾佢，同佢拜個年，入到大堂之後無視其他陌生面孔極速返上樓。 我而家心情好複雜，一方面係我可以比到少少心意保安姨姨，另一方面又覺得無視其他陌生嘅保安好似唔係咁好，(一嚟我身上冇預備咁多利是，二嚟平時又真係見唔到佢哋🧐)