香港四徑大步走 300公里山路 同你人生一樣 都係靠自己行出嚟 久違新年入戲院睇戲 依家一年都無睇幾次 睇完紀錄片《香港四徑大步走》 （Hong Kong Four Trails Ultra Challenge） 真心推介畀大家 呢個活動由Andre Blumberg（中電Chief Digital Officer）發起 挑戰者要喺72小時內跑哂香港四大行山徑 港島徑 麥理浩徑 衞奕信徑 鳳凰徑 加埋300公里 真心堅到爆 片入面Jacky、Solomon、劉俊文、Chang、Nikki、羅楚健、Pong、Will、Stone 各有自己好勵志嘅故事 講真無人逼你去挑戰四徑 就好似無人逼你係人生路上走幾遠 到最後都只係靠你自己肯唔肯initiate 想成功 就一定要有準備 有紀律 有抗壓力 好似跑Ultra Marathon咁 有計劃、操練、跌倒、再爬番起身 做得到 最終得益都係你自己 做唔到 其實其他人都唔會在意 人生同樣道理 成日有人問“點先會成功？” 關鍵唔只係際遇 公司或者行業 而係你自己 好多人喺唔同領域都能夠表現出色 正因為佢哋持續保持信念 不斷挑戰自己 下面繼續